Полицијата се уште трага по напаѓачите што ладнокрвно го убија Мартин Јанушев (28)
Убиецот ја познавал жртвата – истрагата e во тек!
Според неофицијални извори, а како што пренесе Фокус, во Мартин Јанушев (28) кој вчера попладнето беше убиен во Аеродром, пукале двајца напаѓачи. Јанушев кој бил поранешен фудбалер на фудбалскиот клуб Локомотива и кој во последно време за занимавал со кик-бокс е застрелан пред кафе-барот „Ред кафе“ со 5 куршуми во главата и вратот.
Оние кои се затекнале на местото на настанот веднаш го качиле тешко повредениот во приватно возило. На пат кон болница Мартин им подлегнал на повредите. Од Клиниката за хируршки болести св. Наум Охридски потврдија дека застреланото лице било донесено кај нив, но и покрај 40 минутната реанимација не успеале да го вратат во живот.
Полицијата трага по извршителите, а според за сега не потврдени информации лицето коешто ладнокрвно пукало со пиштолот го познавал убиениот и од претходно. Тој е со дебело криминално досие и е познат во светот на подземјето.
