CelebrityНаши ѕвезди

Тоше Зафиров откри дали ја изневерил сопругата – „Не глумам светец, ја повредив Габи“ (Видео)

Advertisement

Тоше Зафиров ја отвори душата во искрена исповед со која ја изненади јавноста, откривајќи дека во минатото навистина ја изневерил сопругата Габриела. Иако важи за еден од најпосветените семејни луѓе на социјалните мрежи, каде често споделува моменти исполнети со нежност и љубов, Зафиров призна дека зад себе има периоди кои не му се чест.

Поводот за неговото обраќање беа пораки од луѓе кои тврделе дека „глуми светец“ и дека во минатото правел грешки. Во видеообјава на Инстаграм тој одговори директно и без задршка.

Advertisement

„Многупати ми пишуваат: ‘Немој да глумиш светец, знаеме што правеше.’ Да, точно е. Имам погрешено. И искрено, да можам да го вратам времето, никогаш не би погрешил. Рано сфатив дека ги повредувам не само Габи, туку и нашите деца, нашите семејства.“

Тоше и Габриела Зафирови / Фото: Инстаграм/Тоше Зафиров

Тој појасни дека грешките се случиле во младоста, во период кога работел како обезбедување во дискотеки, воена полиција и други средини во кои, како што вели, „искушенијата се големи“. Но токму тие искуства, според него, го натерале да се промени и да стане подобар човек, сопруг и татко.

Денес, вели тој, секојдневно се труди да го чува и негува бракот со сопругата Габриела, со која е заедно веќе 25 години.

„Години наназад постои само една жена во мојот живот – Габи. Уживам да ја држам за рака и после три децении. Таа е мој благослов,“ изјави Зафиров, нагласувајќи дека секое недоразбирање во нивниот дом се решава со разговор и разбирање, без инат и без одолговлекување.

 

View this post on Instagram

 

A post shared by Tode Zafirov (@tosezafirov)

Сите најнови вести поврзани со ѕвездите можете да ги следите на Гламур, убедливо најчитаниот портал за познатите во Македонија (види тука), како и на нашите страници на социјалните мрежи со вупно преку 1.000.000 фанови. Сите актуелни теми и случувања, најновите трачеви и најинтересните вести на едно место. Придружете се и на нашата официјална Фејсбук заедница ТУКА и бидете во тек со настаните, додека најинтересните текстови и интервјуа со познатите можете да ги следите и на Инстаграм ТУКА .
Реклама
Back to top button