Тешка сообраќајка, две лица загинаа, над 30 повредени – Автомобилот удрил во срна, па во автобус
Две лица загинаа, а 31 се повредени во тешката сообраќајна несреќа што се случи синоќа на автопатот А3 во Хрватска.
До несереќата дошло откако срна излетала на патот и автомобил удрил во животното, возачот изгубил контрола врз воланот и потоа удрил и во авобус со ознаки на БиХ кој се превртел, извести за хрватските медиуми командантот на противпожарната станица во Сисачко-Мославинската жупанија, Мирослав Голуб.
– Автомобилот удри во срна која скокна на патот. Не е познато дали ја пробила оградата или само ја пресекол. Возачот очигледно не можел да го застане автомобилот, а потоа излегол на автопатот и им мавнал на другите возачи да забават и да застанат. Автобусот што доаѓаше од спротивната насока не можеше да застане и се удри во автомобилот на патот . Ја проби заштитната ограда и заврши во спротивната лента- рече Голуб.
Полицијата соопшти дека несреќата во која бил вклучен автобус со босански национални ознаки се случила помеѓу 82-ри и 83-ти километар од јужната и северната страна на автопатот и дека сообраќајот е прекинат и се пренасочува по државни, окружни и локални патишта.
– Тешка сообраќајна несреќа се случила околу 03:10 часот. Според првичните информации, две лица се починати, додека неколку други се повредени и префрлени во блиските болници – изјави за HRT Маја Филиповиќ , службеник за односи со јавноста во полициската управа Сисак-Мославина.
Advertisement
Во тек е полициска истрага за утврдување на сите околности на трагедијата, на која се наоѓаат сите служби за итни случаи.
View this post on Instagram
