Телепатија меѓу близначки – видео од мајка открива неверојатни детали што ќе ве остават без зборови
Од истовремено будење до идентично избрани играчки, овие шестгодишни близначки од САД покажуваат врска што го надминува рационалното објаснување.
Понекогаш е речиси невозможно да ги разделите близначките зашто нивната врска е толку силна што дури и самите се изненадуваат од тоа колку се поврзани.
Токму тоа го потврдува и необичната видеоснимка на мајката Адреа Гарза, која сподели дел од секојдневието со нејзините ќерки – шестгодишните близначки Коти и Хевен, чие „размислување како да се едно“ е сè само не случајност.
Близначките уште од раѓање имале изразена поврзаност, вели мајката. На почетокот, мислела дека станува збор за случајност, но „чудните“ совпаѓања почнале да се повторуваат секојдневно.
„Се будеа во исто време, стануваа истовремено од креветите, плачеа во ист момент, бараа ужина во исто време и често изговараа исти зборови, без да се гледаат“, раскажува Адреа.
Најинтригантниот момент доаѓа кога мајката одлучува да сними едно „тест-видео“. Имено, ги поставила близначките од двете страни на една преграда, без можност да се гледаат меѓусебно, и пред нив ставила идентични коцки, но различни по боја и големина. Она што следело било вистинска демонстрација на телепатија на близначките. Едната близначка избирала коцка, ја подигнала, а истовремено од другата страна на преградата, и другата близначка направила исто, со потполно иста коцка, и така повеќепати по ред.
View this post on Instagram
„Секогаш ми е интересно да ги гледам, никогаш не ми здосадува“, вели мајката. „Како што растат, нивната поврзаност е сè поочигледна. Но и покрај тоа, секоја гради своја посебна личност.“
Оваа појава, позната како екстрасензорна перцепција, односно добивање информации без користење на класичните сетила, често се спомнува во контекст на близначки парови. Но ретко кога се документира со ваква јасност и во реално време, како што е случајот со Коти и Хевен.
Видеото, кое стана вирално, не само што ги воодушеви следбениците на социјалните мрежи туку и отвори прашања за тоа колку навистина знаеме за „поврзаноста на душите“ кај близначките и дали телепатијата е мит или само недоволно истражена реалност.
