Те молам не раскажувај ми приказни за тоа колку ти значам, ако ти значев…

Те молам, не раскажувај ми приказни за тоа колку сум важна во твојот живот. Не ми се потребни твоите празни зборови кои со денови одекнуваа во мојата глава. Но, повеќе не го дозволувам тоа.

Не раскажувај ми приказни за тоа дека ме сакаш онаква каква што сум, зашто во ниту еден миг не ми го докажа тоа. Постојано ги бараше моите грешки и моите несовршености. Во мене ги гледаше само моите дупки, без притоа да бидеш подготвен да ги погледнеш моите искрени чувства.

Те молам не раскажувај ми за тоа колку те боли што си заминувам. Ако ти значев, ќе се трудеше да ја примиш мојата љубов. Ако ти значев, ќе се обидеше да ми ги разбереш солзите. Ако ти значев, немаше да се најдеме на оваа раскрсница.

Сега заминуваме, секој по својот пат. Те молам не раскажувај ми дека те болат спомените. Знам, те боли тоа што повеќе не ќе имаш некој да ти биде рамо за плачење. Ќе нема кој да ти ги лечи раните и да се труди да те направи подобар човек.

Јас го вложив мојот труд, но за возврат добив само една животна лекција: Ако некому си му важна, тоа ќе го почувствуваш длабоко во твоето срце!