Тажна објава на сопругата на Андреј од ДНК – објави фотографија од пејачот и нивната ќерка
„Ангелски глас како тато...“
Сопругата на Андреј Ѓорѓиески, вокалистот на „ДНК“ кој загина во пожарот во Кочани, сподели тажна објава.
Таа на својот Инстаграм сподели снимка од едно заедничко летување на која се гледа како Андреј си игра со ќеркичката.
Имено, Наталија Ѓорѓиеска, вдовицата на трагично загинатиот вокалист на „ДНК“, оваа објава ја сподели на својот Инстаграм само неколку дена откако својот сопруг го испрати во вечното почивалиште.
Таа а Инстаграм сподели еден спомен од нивно заедничко летување – снимка на која се гледа како Андреј ја држи нивната наследничка во рацете и заедно се бањаат во водата, а неговата ќеркичка ужива во дружбата.
Принтскрин/ Инстаграм
„Ангелски глас како тато… Уште поискрен… Славеј“ напиша Наталија по објавата на која е нејзината ќерка и нејзиниот сопруг.
Принтскрин/ Инстаграм
Потсетуваме, Андреј го изгуби животот во страшниот пожар што се случи за време на концертот на ДНК во дискотеката „Пулс“ во Кочани.
Принтскрин/ Инстаграм
Кога изби пожарот, Андреј иако успеал да излезе од дискотеката, се вратил за да им помогне на останатите млади.
Но овој негов храбар потег беше кобен за него, па животот на Андреј згасна заедно со уште седум членови од неговиот бенд.
Принтскрин/ Инстаграм
Во страшната несреќа загинаа 59 лица, од кои шестмина се малолетници, а има и голем број повредени кои се уште се во болница.
