Тажна глетка на профилот на сопругата на Панчо – фотографијата ја замени со темна позадина
Погребот помина, останува само болка и празнина
Тажен ден за цела Македонија
Владимир Блажев-Панчо беше погребан вчера на гробиштата во Бутел во Скопје, а на погребот имаше голем број луѓе.
Како што пренесуваат медиумите, комбето што било до капелата целосно било покриено со цвеќиња и плишани мечиња, а неговите најблиски скршени од болка, заедно со пријателите и фановите го испратија во вечното почивалиште, по опелото кое се одржа во црквата Свети Илија во населбата Аеродром во Скопје.
Принтскрин/ Фејсбук
Животот на Панчо згасна на 46 години, а музичарот зад себе ја остави неутешна сопругата Маја и нивните два сина.
По погребот неговата сопруга ја избриша профилната фотографија на Фејсбук и на нивното место, стави црна позадина.
Принтскрин/ Фејсбук
Зад себе остави неутешно семејство
Маја по тажната вест се огласи и сподели траорна порака со која се збогуваше од Панчо, а по погребот стави црна позадина.
Принтскрин/ Фејсбук
Инаку, својот профил на социјалните мрежи го има крстено и со имињата на нивните две деца, Андреја и Марјан.
Маја и Панчо се венчаа во 2013 година во октомври, кога Андреја имаше две години, а по две години се роди и Марјан.
Принтскрин/ Јутуб, ДНК – Животе брате
Почина по седум месеци борба
Потсетуваме, Панчо се здоби со тешки повреди за време на пожарот што се случи во ноќниот-клуб „Пулс“ во Кочани.
Тој тогаш беше на сцената кога избувна пожарот и заедно со неговите колеги имаше концерт на неговиот бенд „ДНК“.
Принтскрин/ Јутуб, ДНК – Животе брате
Панчо беше 63-та жртва на страшната несреќа, а во пожарот настрадаа уште седум колеги и соработници од бендот ДНК. Во пожарот почина и Андреј Ѓорѓиески, пејачот со кого Панчо задно го основаше бендот, а кој исто така зад себе остави сопруга и една ќерка.
Покрај нив, во страшниот пожар што се случи на 16 март во дискотеката „Пулс“ во Кочани згаснаа 63 млади животи, меѓу кои и осум музичари кои настапуваа со музичката група „ДНК“. Покрај Панчо и Андреј, кој седум месеци по несреќата им подлегна на повредите, меѓу настраданите се и младиот тапанар од Струмица, Ѓорѓи Ѓоргиев, потоа клавијатуристот на бендот, Филип Стевановски, професорката по пијано Сара Пројковска која беше придружен вокал во ДНК, но и на многу други бендови, потоа гитаристот Александар Коларов, тон-мајсторот на ДНК, Игор Велков, како и битбоксерот Мартин Атанасовски попознат како Мартин Буцо кој исто така беше дел од екипата на ДНК.
