Мојот татко е мојот ангел-чувар: Ова се најважните животни лекции кои ги научив од него…
Биди позитивна дури и во негативни ситуации…
Животот никогаш нема да биде лесен. Еден ден ќе мислиш дека се е супер, нареден ден целиот свет ќе ти се сруши врз глава. Но, тој ме научи дека секогаш морам да одам со исправена глава, затоа што на сите им се случуваат лоши работи и едноставно морам да дадам се од себе да бидам позитивна, затоа што негативноста и мизеријата само ќе ги направат работите уште полоши.
Секогаш помагај им на другите…
Ние сме на оваа земја не само за да се задоволуваме себеси. Мојот татко ми го покажа вистинското значење на тоа да се биде жив, а тоа е да им се помогне на другите. Без оглед на тоа дали да бидам нечие рамо за плачење или да му дадам храна на оној кој нема. Помагањето на другите ќе те направи подобра личност.
Го добиваш она што ќе го дадеш…Ова е една од најдобрите мисли кои татко ми ми ги има кажано затоа што е сосема точно. Кога си мрзлив и резултатите ќе бидат мрзливи, но кога работиш напорно и вложуваш труд за да успееш, тогаш ќе успееш.
Никогаш немој да бидеш со маж кој не те почитува…
Татко ми ме научи многу работи за мажите и за тоа секогаш ќе му бидам благодарна. Почитта е основата врз која се гради секоја врска и ако мажот мисли дека не заслужуваш почит, тогаш тој не те заслужува тебе.
Сакај се себеси…
За искрено да бидеш среќна во животот, мора безусловно да се сакаш себеси. Мораш да си ги сакаш и мааните и доблестите кои ги имаш и мораш да сфатиш дека не си совршена. Мора да се сакаш себеси за да бидеш среќна во овој свет. Мојот татко ме научи на ова и ме воспита како да се сакам себеси.
Мојот татко е светлината на мојот живот. Татичко те сакам многу и фала ти што ме научи на сите овие прекрасни лекции. Немаше да бидам тука денес, ако не беше ти!
