Татјана Стојановска со голема животна промена – Водителката во издание кое ретко го гледаме (Видео)
Телевизиската презентерка Татјана Стојановска, која публиката најчесто ја гледа во студио во нејзините препознатливи елегантни комбинации, овојпат ги изненади следбениците со објава во сосема поинакво издание.
Стојановска сподели видео од вежбална, откривајќи дека интензивно работи на промена на животниот стил. Како што вели, последниве месеци сериозно се посветила на вежбањето и вовела поздрави навики во своето секојдневие.
Покрај новиот фитнес-ентузијазам, Татјана неодамна привлече внимание и со гостувањето во подкастот „Естраден лексикон“ на Марио Арангеловски. На прашањето „Колку чини твојот аутфит?“, таа искрено откри дека фустанот што го носела бил купен специјално за снимањето — и тоа по сосема пристапна цена.
„Навистина е едноставен и многу поволен. Имаше попуст, а јас го одбрав овој модел наместо црниот. Чинеше само 1.300 денари“, раскажа водителката, додавајќи дека накитот што го носи на емисиите често е подарок од нејзиниот сопруг, Михаил Китановски.
