Таравари од Гостивар: Со радост ја напуштивме Владата, беше неподносливо
Лидерот на едното крило на Алијансата за Албанците, Арбен Таравари, им рече на поддржувачите на митингот во Гостивар дека одлуката за дистанцирање од Владата била неопходна.
„Ја напуштивме владата со радост, бидејќи беше неподносливо“, изјавил Таравари.
Во својот говор, Таравари споменал две алтернативи за кои, рече тој, се дискутирало во партиските кругови.
„Ја напуштивме владата доброволно, бидејќи беше неподносливо. Моите блиски пријатели добро го знаат тоа – имавме две опции од кои едната опција да освоиме некои општини со ВМРО. Дали ќе ги освоевме? Да, но, каде ќе одевме? Ќе одевме кон дефакторизација на Албанците во локалната самоуправа. Ако требаше лично да размислам за тоа, ќе морав да останам таму како Изет и Биљал – да молчам и да добивам министерска плата, иако во Тетово, Гостивар и Чаир, градоначалникот би бил марионета, исто како што се сега министрите“, рече Таравари.
