Тајната за најсочни плескавици – наместо кромид, додадете ја оваа евтина намирница и ќе добиете совршенство! 

Искусни готвачи откриваат како едноставна намирница го претвора сувото месо во совршено сочна и ароматична плескавица.

Иако сезоната на скара и пикници се ближи кон крајот, љубителите на плескавиците и бургерите немаат намера да се откажат од нив. Сепак, постои еден проблем кој речиси секој го искусил – суво и „гумено“ месо кое ниту најдобрите зачини не можат да го поправат.

Според гастрономскиот портал „Делиш“, решението е изненадувачки едноставно: наместо класичниот кромид, во смесата додадете свежо рендана јаболка.

Зошто јаболката е „тајниот“ спасител?

Јаболката е богата со природни шеќери, пектини и сокови кои при термичка обработка го задржуваат сочниот карактер на месото.

Таа додава блага сладост и свежина, а благата киселост одлично се комбинира со интензивни вкусови како што се стопено сирење, зачинети сосови и дури димени намирници на скара.

Американски шефови на кујна објаснуваат дека јаболката делува како „природен навлажнувач“, односно, соковите се впиваат во месото и го спречуваат сушењето, а плескавицата останува мека и полна со вкус. Во Јапонија, пак, јаболката одамна се користи во маринади за месо, токму заради оваа улога.

Како да ја подготвите совршената смеса?

За да добиете вистински резултат – полна сочност на плескавицата, потребно е да се следи овој едноставен рецепт:

500 г мешано меленo месо (говедско и свинско)

1 свежа рендана јаболка (без семки, со кората за дополнителна текстура)

1 лажичка сенф

сол и црн бибер по вкус

Сите состојки внимателно се мешаат, потоа се формираат плескавици и се печат на скара или во тава, сè додека да добијат златна коричка.

Совети од готвачите

Не претерувајте со јаболката – една средно голема јаболка е доволна за половина килограм месо.

Комбинирајте со зачини – свеж магдонос, лук во прав или дури малку чили може да ја збогатат аромата.

Послужете креативно – со кромид, сирење чедар или сос од сенф и мед за целосна гастрономска сензација.

Овој трик полека станува глобален тренд, од САД до Европа, а гастрономските блогови го нарекуваат „сосема нова димензија на класичниот бургер“. Според “Гардијан“, јаболката е најдобрата замена за оние кои не сакаат кромид, но сакаат плескавицата да биде сочна и богата со вкус.

Со овој едноставен, но генијален додаток, плескавицата добива сосема нов карактер – сочна, ароматична и неодоливо вкусна, токму како од најдобрите гурмански ресторани.