Тајчи меѓу ѕвездите – пријателка на естрадата, миленичка на публиката

По професија е професионалец во областа на хигиената, но во јавноста, Тања Тајчи Додева е препознаена како голем љубител и искрен поддржувач на македонската музика. Нејзината љубов кон народната и забавната естрада не е „од вчера“, туку од мали нозе, а денес важи за човек кој ги поврзува уметниците и публиката преку почит, пријателство и позитивна енергија.

Публиката имаше можност да ја види и како дел од популарното шоу „Сѐ или нешто“, во студиото со Лила, каде беше поддршка на блиска пријателка, а зад камерите, како и во животот, зрачи со топлина и ведрина.

Во разговорот што следува, Тајчи искрено раскажува за своето искуство од телевизијата, за тоа што значи да се биде промотер на македонската естрада, за луѓето од сцената кои ѝ значат, но и за тоа каква е Тајчи кога ќе се изгаснат рефлекторите.

Беше дел од популарното шоу „Сѐ или нешто“,какво искуство беше тоа за тебе и кого поддржуваше?

Да, токму така, бев дел како подршка во „Се или нешто“ на мојата пријателка Лилјана Љумаковска, инаку мајка на нашиот бисер балкански Анета Љумаковска. Искуството беше незаборавно.

Кое е најинтересното, најсмешното или најнеочекуваното нешто што ти се случи зад сцената на „Сѐ или нешто“, а публиката никогаш не го виде?

Па не можам да издвојам се беше перфектно…
Дружбата меѓу паузите, а ме препознаа многу затоа што ме следеле на социјалните мрежи.

Што значи да се биде промотерка на македонската народна естрада? Како дојде до ова и какви пријателства ти донесе?

За мене да бидам промотор на македонската не само народна туку и забавна музика ми значи многу.
Македонската музиката е дел од мене уште од мали нозе. Секој естраден уметник од Македонија е мој пријател кој ме почитува секогаш.

Која македонска естрадна ѕвезда ти оставила најголем впечаток кога сте се запознале приватно, далеку од сцената и рефлекторите?

Па, не можам да издвојам бидејќи со сите се дружам и приватно, но Злате Антевски и доајенот Круме Спасовски, со нив сум секогаш на секој нивен настап.

Ајде малку естрадна „кујна“- постои ли некоја симпатична тајна што можеш да ни ја откриеш без последици?

Хм….на ова прашање не би имала конкретен одговор, не би сакала никој да повредам од естрадата.

Ако треба со три збора да ја опишеш македонската народна естрада денес, кои би биле тие и зошто?

Ако треба да ги опишам со три збора тоа би биле најдобри, незаменливи и балкански.
Затоа што ги имаме најубавите песни на светот.

Која е Тања приватно, што ја прави среќна, што ја опушта и што малкумина го знаат за неа?

Тајчи приватно е позитивна личност, среќна секогаш, ме препознаваат луѓето насекаде, ме опушта македонската песна и на вашите читатели им посакувам убави моменти секогаш.