Александра Пријовиќ е бремена, а на свадбата ќе ја носи гламурозната венчаница од пред 27 години што ја носеше Лепа Брена?

Медиумите од соседството се сомневаат дека Александара Пријовиќ е бремена бидејќи деновиве е видена пред една гинеколошка ординација

Фото: АТА images

Александра и Филип Живојиновиќ ќе се венчаат на 21 јуни во Белград, а подготовките за големата свадбена церемонија веќе се започнати! Тие по двегодишната врска ќе застанат на лудиот камен и ќе го кажат своето судбоносно „ДА“ пред 500-на гости, а како што пишуваат српските медиуми, целата ситуација е забрзана затоа што пејачката е бремена. Иако овие информации се уште не се потврдени, гласините се појавија откако Александра беше забележана како посетува една позната гинеколошка ординација во Белград.

Фото: Kurir.rs/ приватна архива

Инаку што се однесува до фустанот што ќе го носи на свадбата, пејачката неодамна на снимањето на „Гранд“ откри дека ќе ја носи истата венчаница од Кристијан Диор што пред 27 години ја носеше и нејзината идна свекрва Лепа Брена на свадбата на векот со Боба Живојиновиќ.