Свадба во Приштина, невестата многу згодна, коментарите незгодни – „маж ѝ не може да ја гледа од срам!“
Венчаницата на невестата предизвика лавина коментари.
Прославите, а особено свадбите, на социјалните мрежи добиваат повеќе внимание од кога било. И, додека на почеток се нижат честитки во коментарите, на многу видеа се гледа всушност „сеирот“ на корисниците на социјалните мрежи. Зашто, сепка, најлесно е да се коментира.
Токму тоа се случи со видео од една свадба во Приштина. Веќе неколку месеци ова видео е мета на критики па дури и на навреди, но сè е насочено кон едно нешто — венчаницата на невестата.
Покрај веселото влегување во салата за прослави, на видеото се гледа радосен младоженец кој ја држи за рака својата „тазе“ сопруга, облечена во елегантна венчаница. Весело играат на музика, додека гостите ги следат во чекор.
Но, венчаницата на невестата успева сè друго да стави во втор план.
Венчаницата е составена од цврст корсет со таканаречени „уши“, украсена со висок шлиц. Целата е обложена со тантела и дискретен сјај од светки, а невестата ја комбинирала со ракавици. Деколтето го ублажила со бисерен ѓердан, а косата ѝ е собрана во пунџа, со што го истакнува нејзиното прекрасно лице. Невестата, инаку, е многу згодна. Но коментарите се незгодни.
View this post on Instagram
„Како завеса да закачила на себе, штета, убава жена е“; „Ужас“; „Сè е убаво, ама срамота е вака да се облечеш за тој ден“; „Не може да ја гледа од срам!“ — ова се само дел од коментарите на луѓе од нашиве простори. Верувајте, има и полоши и понавредливи, но некаде мора да се повлече линија.
