Неверојатните креации што се јадат подготвени, односно, скулптурирани од Сузана Аврамовска оставаат без здив. А секако ќе ве остават и без „празно место“ во желудникот.
Овојпат, пред големиот христијански празник Божиќ, Сузана ни носи извонреден рецепт за печивото Палмиер, чија миризба сигурно ќе ве наврати во детството.
Рецепт
Една плочка готово лиснато тесто полуодмрзнато, се расукува на работна површина претходно посипана со кристал шеќер и рендана кора од еден портокал, убаво да навлезе шеќерот во тестото…исто се посипува со кристал шеќер (околу 50 гр вкупно) и од страната која се сука.
Се завиткуваат двата краја кон средината паралелно како за ролат, па уште еднаш да добие изглед како полжавче.
Се сечат тенки парчиња и се редат на хартија за печење во плех.
Се печат дваесетина минути на 220 степени.
Изладените половинки се натопуваат во растопено чоколадо.
Среќни и весели празници!
А, доколку сте го пропуштиле рецептот за Божиќно дрво од Сузана, еве го линкот:
Сузана Аврамовска ни носи празник за непцето и за очите – Рецепт за божиќно дрво
