Струмички затвор станува училиште за автомеханичари и монтери

Десетина осудени лица кои издржуваат казна затвор во Казнено поправнaта установа во Струмица се вклучија во процесот на дооформување на своето средно образование. Целиот процес се реализира преку ДСУ ,,Никола Карев“ од Струмица кое од пред некоја година стана регионален центар за средно стручно образование. Професори од оваа училиште во изминатиот период имаа консултации и предавања на осудените лица за општите предмети од тригодишно стручно образование. Носеа матријали и им укажуваа на што да обрнат внимание по македонски, математика и странски јазик бидејки тоа беа првите предемти за кои полагаа писмено.

,,Наша цел е луѓето кои се на издржување казна затвор овде рационално да го искористат времето односно да се стекнат со нови работни вештини и образование. Адаптиравме училница овде во затворот каде осудените лица ќе учат и ќе полагаат. Со овој процес осудените лица ќе имат формално средно образование за да бидат поконкурентни на пазарот на трудот а со тоа ќе се намали и рецивидизмот во земјава,, објасни Зоран Ристов директор на КПУ Затвор Струмица.

Меѓу пријавените кои почна да учи средно е и Димитар. Тој се одлучил да стекне средно од машинската струка образовен профил Аавтомеханичар. Го поздрави овој чекор бидејки во затворот ќе престојува подолг период и планира освен да учи и преку работна пракса да стекне вештини.

,,Искрено го поздравуам овој проект и се надевам дека ќе стекнам некакво искуство. Средно имам одено само два месеци, но поради одредени околности тргнав по некои други патишта. Сега се запишав за автомеханичар и сметам дека ќе ми користи бидјеки планирам кога да излезам од овде да бидам шофер за да знам да поправам одредени дефекти“, кажа Димитар.

Извор Дрнка.Мк