Овој хороскопски знак, како и неговата владејачка планета Јупитер, претставува моќ, успех, уживање и ја има помошта од Бога на дланка. Тогаш кога најмалку се надева, Божјата рака се спушта на него и му помага.
Стрелецот е огнен знак кој симболизира далечина, патувње, космополитски дух и високи морални вредности. Неговите припадници се енергични, отворени и не се задржуваат покрај личностите кои повеќе не ги сакаат. Нивната природа е поделена: Нив ги привлекува сето она што го возбудува духот и телото, големи хедонисти се и сакаат да испробуваат нови работи. Без многу размислувања се впуштаат во љубовни авантури, опасни спортски потфати или ризични работи. Во душата се коцкари – може да стават многу работи на коцка за само една секунда!
Во комуникацијата се многу отворени, а понекогаш и премногу се изразуваат. Ги кажуваат оние работи кои прво ќе им паднат на памет, прашуваат што ги интересира, а понекогаш и детинесто зборуваат за своите планови. Во основа се чесни и искрени, па мислат дека и другите се такви.
Нив ги привлекуваат различни работи:
Поинакви земји, обичаи, култура, јазици, а особено егзотични подрачја. Уживаат во патувања и не сакаат досадн работи. Покрај другото, Стрелците мразат да им биде ограничувана нивната слобода.
