Повеќето од нас ова не го знаат – што правиме погрешно со костимите за капење!
Раководните лица на познатите компании за производство на костими за капење објаснуваат како што подолго да ги зачувате вашите омилени костими за капење и да ги избегнете вообичаените грешки во нивното одржување.
Не ретко се случува вистински да се измачите додека да го најдете вистинскиот костим за капење, а кога еднаш веќе ќе го најдете, тогаш треба да се погрижите максимално за да ви трае што е можно подолго.
Раководните лица на познатите компании за производство на костими за капење објаснуваат како што подолго да ги зачувате вашите омилени костими за капење и да ги избегнете вообичаените грешки во нивното одржување.
Измијте ја солта
Кога ќе стасате на плажа најчесто веќе сте изморени од жешкото време па веднаш одите да се разладите во море, а потоа излегувате и се миете од солта… Истиот третман му е потребен и на вашиот костим за капење. Солта може да го уништи материјалот доколку не ја измиете по секое капење во морето.
Избегнувајте ја машината за перење
Секако дека е најлесно едноставно да ги ставите во машината за перење алишта, но многу подобро ќе ги зачувате костимите за капење доколку ги перете на рака. Перете ги во студена вода и со благ прашок за перење, а доколку немате прашок при рака, одлично ќе ви послужи и обичен шампон.
Жешката вода е лоша за материјалот
Жешката вода го уништува материјалот, па така костимот за капење брзо ќе се развлече и ќе го изгуби својот облик. Токму затоа најдобро е да ги перете со студена вода, а доколку сакате да се капете во базен со топла вода, земете во предвид дека таа лошо делува на ткаенината, исто како и хлорот.
Бирајте полиестер наместо спандекс
Според стручните лица спандексот има пократок век на траење бидејќи влакната се растегаат и пукаат, па вашиот костим за капење ќе се уништи брзо без разлика колку го носите.
