Оваа дама во последно време се почесто го привлекува вниманието на медиумите со својот стил
Познатата 35 годишна индиска актерка, Пријанка Чопра, која е и пејачка, продуцентка, филантропка и победничка на „Miss World 2000“ многумина ја сметаат за една од најмоќните дами на светот. Пред две години магазинот Тајмс ја рангираше меѓу 100-те највлијателни луѓе на светот, додека Форбс минатата година за една од 100-те најмоќни жени на светот.
Таа денес важи за една од водечките индиски актерки, но и прва дама од Јужна Азија која игра водечка улога во позната американска серија. Работи за УНИЦЕФ како амбасадорка на добрата волја при Обединетите нации, често учествува во добротворните организации и случувања кои најчесто се поврзани со еднаквоста на половите и се борат за поголеми права и подобар живот на незгрижените деца.
Позната е и по тоа што е пријателка со Меган Маркл, војвотката од Сасекс, а откако се појави во преубаво издание на кралската венчавка медиумите постојано се интересираат за неа, односно за нејзиниот стил.
Таа најчесто избира женствени бохо фустани кои ги носи на еден посебен, елегантен дамски начин, а склона е и кон истакнување на своите облини, но тоа го прави мошне успешно, суптилно и секси.
