Гурабиите се еден од најпознатите и најсакани традиционални колачи на Балканот и Блискиот Исток. Потекнуваат од османлискиот период и низ вековите се прошириле низ многу земји, каде што секоја кујна им дала свој печат.
Овој рецепт, познат по својата нежна структура и богат вкус, ќе остане засекогаш во вашиот нотес и веруваме дека ќе продолжи да се пренесува низ генерации.
Состојки
1 ½ шолја путер (околу 350 гр)
1 ⅓ шолја маргарин (околу 300 гр)
3 свежи јајца
1 шолја шеќер
1 шолја шеќер во прав за наросување
1 мала шолја (кафена) коњак
1 лажичка сода бикарбона
1 лажичка ванила
1 кг брашно
1 ½ шолја мелени бадеми
1 ½ шолја вода
Подготовка:
Во сад измешајте го маргаринот со путерот и шеќерот, па додадете ги свежите јајца. Матете ја смесата околу 10 минути, сè додека стане пенеста и мазна.
Потоа постепено додавајте го брашното, коњакот, содата, ванилата и мелените бадеми, мешајќи додека да добиете меко и компактно тесто.
Оставете го тестото малку да одмори, а потоа формирајте колачиња во форма по желба (најчесто се прават во форма на потковица, односно на полумесечинки).
Наредете ги во намастен плех и печете ги на умерена температура околу 25-30 минути, додека добијат златна боја.
Кога ќе ги извадите од рерна, веднаш попрскајте ги со малку вода, а потоа раскошно наросете ги со шеќер во прав.
И готови се за послужување! На здравје!
