Станете свесни за својата вредност, победете ги своите НЕСИГУРНОСТИ

Постои огромна моќ во тоа да научите да се прифатите себеси. Да умеете да го земете огледалото, да се погледнете и да се сакате токму онакви какви што сте. Самоприфаќањето значи да се прифатите какви што сте навистина, а не она што би сакале да бидете. Тоа не е лесно, но, се’ што вреди бара малку труд, зар не?

Лесно е да кажете дека се сакате, но на крајот од денот повторно да си легнете со солзи зошто не сте како оној или како онаа и тоа останува само на зборови. Треба голема сила и храброст за навистина да поверувате во она што го зборувате.

Секој се бори со некои несигурности. Некои можеби повеќе од другите, но никој не е 100% сигурен во себе цело време. Да се разберат несигурностите е во ред, но сосема друго е да се дозволи тие да управуваат со вашиот живот. Ќе постојат и денови кога нема да верувате во себе и нема да сакате да излезете од вашиот дом, но се’ додека тоа е моментално, е во ред.

Никој друг од страна не може да ви влее толкава самодоверба, колку што можете вие самите. Запаметете дека секој во себе се бори со одредени работи, но најважен е начинот на кој пристапувате кон справувањето со проблемите и несигурностите, но и аспектот од кој ги согледувате работите. Прифатете се онакви какви што сте, затоа што не постои некој на светот ист како вас. Вие сте единствени. Победете ги несигурностите и ќе видите колку може животот да биде убав!