Совршен трик за пржена риба – крцкава кора и богат вкус со „капка“ масло
Ви ја откриваме тајната за совршено пржена риба.

Викенд е, дали сакате да подготвите совршено пржена риба со минимално масло, а притоа да има неодолива крцкава кора и богат вкус?
Овој едноставен трик ќе ви го промени начинот на кој пржите риба!

Магична мешавина на масла
Клучот за совршената пржена риба е во комбинацијата на 80% масло со висока точка на димење (односно масло идеално за пржење на висока температура) и 20% масло со висок процен на масти.
Маслото со висока точка на димење ѝ овозможува на рибата да се пржи на висока температура без да загори. А тука спаѓаат овие масла – рафинирано сончогледово масло, масло од авокадо или масло од соја.
Маслото со висок процент на масти пак, овозможува рамномерно пржење, крцкава кора и посилен вкус.
Во маслата со висок степен на масти спаѓаат – маслиново масло, палмино масло, кокосово масло и путер.
Со овој метод, рибата нема да впие непотребно масло, а секој залак ќе биде совршен!

Како да ја подготвите мешавината?
Во чашка наполнете 80% масло со висока точка на димење (на пример сончогледово масло).
Додадете 20% масло со висок процент на масти, како што е маслиновото, палмино или кокосово масло.
Оваа мешавина никогаш не се раздвојува, што ја прави совршена за пржење.
Испробајте го овој метод и откријте зошто ова е најдобриот трик за совршено пржена риба!