Сакате да ги зближите кучето и вашата мачка? Обидете се со овие совети!
Кучињата и мачките се разликуваат карактерно, а доколку сакате да ги зближите да бидат под ист кров, тогаш треба малку да се потрудите (освен ако не сте многу среќни па тие самите да си најдат заеднички јазик). Ако не успевате во оваа мисија, тогаш обидете се да ги следите овие наши совети, кои веруваме дека ќе ви бидат од голема помош.
Не поттикнувајте љубомора
Добро е познато дека домашните миленици се посебно посесивни на вниманието и љубовта од својот сопственик. Ако го галите едното милениче или му купувате играчки, тогаш другото веднаш ќе почне да љубомори. Затоа, водете сметка секогаш да им пружите речиси ист третман.
Зона на приватност
Многу е важно во домот да изберете „неутрална зона“ во која вашето милениче одвреме-навреме ќе може да се прошета само. Кучето и мачката може да спијат на ист кревет, секако, ако за тоа покажат интерес. Но, за почеток на секој обезбедете му посебно катче.
Опуштете се
Важно е првата средба да помине смирено, за животните да не чувствуваат нервоза. Не дигајте голема возбуда со гестови или пак со гласот, за средбата да биде помалку стресна и за двете домашни миленици.
