Сопругата на Андреј од ДНК сподели срцепарателно видео: „Мавни ѝ на мама“ – зборови што болат и денес

Новата објава на Наталија Ѓорѓиеска, сопругата на починатиот Андреј од ДНК, длабоко ги потресе сите што ја следат.

По долг период на тишина на социјалните мрежи, Наталија се појави со неколку сторис објави на Инстаграм. Меѓу нив се најде и едно старо видео од нејзината архива – снимка што буди и топлина и болка во исто време.

На видеото, Андреј со својот препознатлив насмев и благ тон ѝ вели на нивната ќерка: „Мавни ѝ на мама“. Малата Јана се насмевнува, мавта со раката кон камерата и ведро вели: „Многу е страшно“. Тој со нежност ѝ одговара: „Чекај, не е страшно“ – и токму во тој момент снимката се прекинува, оставајќи тежина и емоција што зборовите тешко ја опишуваат.