Во контекст на овие убави сончеви денови, ви предлагаме една брза диета, со која можете убаво да ослабите, без многу да се намачите.
Можете да ја користите за брзо губење на килограмите кога ќе затреба во текот на пролетта и летото. Оваа брза диета исто така се нарекува и диета во жолта боја. Диетата не треба да се држи подолго од 8 денови. Ако правилно се следи можат да се загубат до 4 килограми без последици по здравјето. Диетата е прилично лесна и едноставна и главното правило е дека може да се конзумира само природна храна во жолта боја!
Значи намирниците кои можат да се користат во оваа диета се: аргуми, тврди сирења, кајсии, дињи, банани, тиква, жолти јаболки, круши и сите други намирници во жолта боја. Дневно може да се јаде до 500 г. жолта храна. Освен тоа, дневниот оброк треба да се состои од најмалку 4 различни намирници, кои треба да се употребат во исти количини. Во текот на диетата можете да пиете вода и овошни (жолти) сокови, но треба да се земе во предвид дека количината на сокот исто така се вклучува во вкупниот износ на одредена храна.
Како и секоја диета, и оваа ќе биде многу поефикасна ако се комбинира со физички активности, кои помагаат да се намали обемот на телото. Секојдневна прошетка од триесетина минути е сосема доволна.
Оваа диета не смеат да ја држат хронично болни лица и трудници.
