Кога Зорка Јанчeва од Тиквешијата ќе сподели рецепт, на многумина веднаш им мириса на топол дом, на традиција и на оние едноставни, а неверојатно вкусни, јадења што ги враќаат спомените во детството. Така е и со нејзините банички со спанаќ, урда и праз (оние што постат, можат да ја исклучат урдата) – сочни, богати со вкус и толку меки што веднаш го разубавуваат денот.
Рецептот е едноставен, без компликации и баш по мерка на секоја домаќинка што сака брзо, а вкусно.
Надобро од сè? Се прават со готови кори, но со мал трик што им дава домашна текстура и сочност.
Рецептот на Зорка
За подготовка потребни се околу 500 g готови кори, 100 мл масло, како и мешавина направена од 250 мл кисела вода, 2 лажици брашно, 1 лажиче прашок за печиво и малку сол по вкус. Корите се редат по три – првата се премачкува со масло, втората и третата со смесата од кисела вода, а на крај се става филот од спанаќ, урда и праз (за оние што постат, може да се прават без урда). Се виткаат ролнички, се сечат, се премачкуваат со остатокот од маслото и се печат околу 30 минути на 200°C.
„Имајте ми убав ден, бидете ми ми здрави и весели, и гответе со срце“, ни порачува Зорка.
