Со потресна порака Игор Џамбазов се простува од Сара – „ќе те паметам дури дишам“
„Имаше очи што зборуваат...“
Нашиот актер, музичар, шоумен, Игор Џамбазов, ја изрази својата огромна тага за загинатите колеги во стравичната несреќа во Кочани, а во посебна објава заплака по Сара.
Објавата на Игор е поетична, создадена во рима, но и камен ќе распукне од зборовите.
„Имаше очи што зборуваат.
На земја те соборуваат.
А под нив една насмевка вредна вечност.
Сарке мила, ќе те паметам дур дишам…“ – напиша Џамбазов.
Потсетуваме, по големата трагедија од Сара со тажна порака на социјалните мрежи се збогуваа и колегите од Факултетот за музички уметности, како и бројни ѕвезди со кои Пројковска беше мошне блиска во текот на својата кариера.
Од Сара со голема болка се збогуваше пејачката Каролина Гочева која со Сара беше мошне блиска и ја чувствуваше како сестра.
„Сарке моја, сестрице најмила, до последен момент не сакав да верувам, до последно се надевав дека е некаква грешка… толку спомени, пеења, радости, Евровизии, концерти, солзи, журки…толку години поминавме…ти и Ана сте толку голем дел од мојот живот…уште се надевам дека денешниов ден е само лош сон…многу ќе ми фалиш Сарке моја“, напиша Каролина и сподели повеќе заеднички фотографии со Сара.
На профилот на Инстаграм на Сара има и една заедничка фотографија на која е со Елена Ристеска, а под која пишува:
„Една сестринска, пошто сконтавме дека не сме се сликале никогаш, пишува под нивната заедничка фотографија“.
Фотографијата сега ја сподели самата Елена.
