Често подготвувате смути? Еве на што мора да внимавате!
Кога е во прашање подготовка на здрав, брз и вкусен појадок, на прво место дефинитивно се наоѓа смутито. Неговата подготовка е едноставна и лесна и помага при губењето на вишокот килограми. За да не направите грешки, во продолжение ви прикажуваме што не би требало да ставате во својот здрав оброк.
Мед
Медот е здрав, но и калоричен. Доколку настојувате да се исхранувате здраво, тогаш во својот напиток не додавајте 200 непотребни калории. Ако правите смути со овошје, тогаш веќе имате додадено доволно шеќер.
Овошни јогурти
Кремаста текстура често се постигнува со јогуртите, но ни случајно не би требало да користите јогурти кои во себе имаат овошје, затоа што во своето тело ќе внесете огромни количини шеќер.
Премногу млечни производи
Млечните производи нема да придонесат во губењето килограми. Затоа, пробајте да ги замените млекото и јогуртот со вода или кокосово млеко, кои ќе ви ја дадат посакуваната текстура, без преголем внес на лактоза.
