Сладоледот не е играчка, нутриционистка загрижува со факти – колку е навистина доволно за едно дете?
Слатко, кремасто, неодоливо... но дали детскиот желудник може да го издржи секојдневниот напад од шеќер и масти во форма на сладолед? Стручњаците велат дека е време да го срушиме митот за „само уште една топка“!
Кога температурите се качуваат, а асфалтот мириса на лето и целиот е вжештен, ниедно дете не може да одолее на шарената витрина со сладоледи. Но, иако многумина од нас, мислат дека „една топка не може да наштети“, реалноста е малку поинаква, и доста постудена.
Дипломираната диететичарка и нутриционистка Софија Кованова предупредува дека децата не треба да јадат повеќе од една голема топка или половина чаша сладолед дневно – и тоа само ако не јадат сладолед секој ден!
Advertisement
„Сладоледот содржи високо ниво на шеќери и заситени масти, оваа комбинација не е препорачлива за редовна употреба кај деца. Не само поради ризикот од вишок килограми, туку и поради влијанието врз шеќерот во крвта, хормоналниот баланс, па дури и врз расположението,“ вели Кованова.
Со вакво прашање се занимаваат и нутирционисти во угледните Гардијан и Њујорк тајмс, а ова прашање е дел од поширока дебата: дали индустриските прехранбени навики кај децата стануваат нова тивка закана по здравјето на генерациите што доаѓаат? И дали родителите, заведени од маркетингот и лесната достапност, несвесно придонесуваат кон развој на зависност од шеќери уште од најрана возраст?
Алтернатива од кујната: сладолед без грижа на совест
Кованова предлага и една креативна, но вкусна алтернатива: замрзната банана, изблендирана со бобичесто овошје и малку слатка павлака – за оние кои сакаат да го добијат истиот кремаст ефект, но без преголемо оптоварување на шеќери и адитиви.
Advertisement
Во крајна линија, како што пишува и BBC Good Food, сладоледот не е непријател. Но кога станува дел од секојдневието – и кај деца и кај возрасни – станува потенцијален проблем. Клучот, како и секогаш, е во умереноста. Или како што би рекле Французите: „Un peu de tout, mais pas trop.„ (Од сè по малку, но не премногу).
