Сакате да ослабите неколку килограми но секаде околу вас се наоѓаат искушенија на кои тешко можете да им одолеете?
Покрај ова вашиот најголем непријател се ноќите поминати во кревет, дома, пред ТВ. Доколку се пронаоѓате во овие редови, прочитајте го начинот на кој можете да слабеете додека спиете и избегнете ги секојдневните искушенија.
Сопрете по вечерата!
Треба да размислите зошто постојано го отворате фрижидерот и постојано се навраќате на тоа место. Доколку го правите тоа затоа што сте се навикнале така, или ви е досадно, обидете се да поминете повеќе време надвор од кујната, или испијте некој растителен чај наместо да грицкате нешто. Доколку препознаете што ве тера на јадење ќе престанете со непотребното прејадување.
Внимателно бирајте ги грицките
Доколку рано вечерате тогаш пред спиење можете да почувствувате глад. Но, тогаш најдобро е да земете некоја здрава ужина, некој лесен оброк. Не треба да јадете нешто што ќе ви го поремети сонот или пак ќе ви го поништи сиот труд што сте го направиле во текот на целиот ден. Еве обидете се со јаболки, семки од тиква (но најдобро е да се непечени!) или евентуално направете свежа салата.
Подгответе се за квалитетен сон
Доколку денот го почнете како треба ќе донесете повеќе добри одлуки, а меѓу нив и оние кои се позитивни за обемот на вашиот струк. Не заборавајте дека вечерната рутина пред спиење, како читање книги или една шолја растителен чај можат да ви помогнат да се смирите и да се опуштите за вашиот одмор.
