Оваа испокината тексас јакна која изгледа како да сте ја нашле во канта за ѓубре во моментов е хит на Инстаграм
И тоа поприлично скапо!
Скинатите тексас јакни не се никаква новост во светот на модата и веќе сите се навикнавме на нив, освен можеби нашите баби и дедовци.
Можеме само да замислиме што ќе си помислат вашите баби и дедовци кога кај нив ќе појдете на гости во една ваква јакна која изгледа како некој да поминал врз неа со трактор или Фап. Тука не станува збор за обични скинати или излижани делови, туку за цели дупки низ кои може да протнете фудбалска топка. Тие (претежно) се наоѓаат од прдната страна, додека во задниот дел јакната изгледа далеку понормално (ако воопшто можеме да се изразиме така за еден ваков необичен, но очигледно мошне популарен модел).
Инаку, една ваква јакна е многу поскапа од сите останати јакни во Бершка, па доколку не сте расположени да инвестирате во нешто што некои би го фрлиле во ѓубре, обидете се сами да ја направите истата од некоја стара тексас јакна што веќе одамна не ја носите.
Па, што мислите за овој тренд?
