Повеќето летниот одмор го поврзуваме со морските пејсажи. Главното прашање веќе е каде ќе отидете, во која земја… Морскиот воздух и водата се навистина добри, како за телото, така и за душата. Но, кои доблести поточно ги носи летувањето на море?
Морската вода содржи важни елементи
Морето ги содржи сите елементи важни за нашиот живот: натриум, магнезиум, калциум, калиум, сицилиум, дури и сребро и злато. Морската вода длабоко продира во кожата, а морето исто така содржи и алги кои поволно влијаат на здравјето.
Морето благотворно делува на астма и алергија
Морската сол е благотворна кај кожни алергиски реакции. Чистиот морски воздух, заситен со негативни јони, го олеснува дишењето и поволно влијае на личностите кои страдат од астма.
Со сончањето телото се снабдува со витамин Д
Сончањето носи не само убав тен, туку и ве снабдува со витамин Д кој му е потребен на вашиот организам. Неодамнешни истражување потврдиле дека тој игра клучна улога во спречување на многу болести, вклучувајќи и рак.
Престојот на море ве ослободува од стрес
Што може да ве опушти повеќе од сонце, лесен ветер и бранови? Летувањето на море ви дава прилика да заборавите на секојдневните проблеми и целосно да се опуштите.
Морето е идеално за спортски активности
Пливање, нуркање, сурфање, морски аеробик, одбојка на плажа… Летувњето на море е идеално за спортски активности кои се добри за обликување на телото, но и за целокупното ваше здравје.
