Во екот на пандемијата со која се соочи целиот свет, луѓето мора секојдневно поголем дел од времето да го поминуваат дома. А што најмногу ги интересира жените во овој период?
Бидејќи салоните за убавина мораа повремено да ги затворат своите врати, дамите останаа без услугите на своите козметичари, фризери и многумина од нив се свртија кон „направи сам“ методите. Одговорите на прашањата поврзани со убавината и негата на телото ги пребарувале на Гугл, а порталот Flawless.org одлучил да провери што ги интересира најмногу жените.
Кога е во прашање негата на косата, најчесто ги интересира како да ја намотат косата со помош на пегла за коса. Освен тоа, пребарувано е и како самите да се шишаат, како костата да расте побрзо и колку често е потребно миење на косата.
Поимот make-up се пребарува 135 илјади пати месечно, а последните недели најчесто се пребаруваат одговори на следниве прашања: Како се шминка? Како се чисти шминката? Како да ги шминкам очите? Како убаво да изгледам и без шминка?
Исто така, многумина ги мачи и тоа како да го отстранат гелот од ноктите додека се дома, но и како да го копираат изгледот на ноктите на Ким Кардашијан. Многумина ги интересира и тоа како изгледа животот на нивните идоли, како Кајли Џенер, Ариана Гранде и Ким Кардашијан.
