Што да внесете во домот за среќа и благослов на денот на Света Петка – и што задолжително да исфрлите денес
Денот посветен на големата заштитничка на жените, болните и сиромашните носи силни народни верувања и обичаи.
Денес православните верници го одбележуваат празникот Света Петка, ден кој во народното предание се смета за исклучително моќен кога станува збор за заштита на домот, здравјето и семејната среќа.
Според старите обичаи, токму на овој ден треба да се внесе благослов во куќата, но и да се исфрли сè што носи немир и несреќа.
Верувањето вели дека утрото треба да започне со молитва уште пред првиот залак или каква било работа. Се препорачува верниците да донесат свеќи од црква и да ги запалат во домот, оставајќи ги да догоруваат во различни простории како симбол на духовна светлина и заштита.
Се смета дека овој гест го чисти просторот од негативна енергија и привлекува хармонија во семејството.
Друг стар и важен обичај е украсувањето на домот со свежо цвеќе, кое ја симболизира радоста, мирот и обновата.
Но, какво цвеќе треба да внесете денес во домот? Во народната традиција, со Света Петка особено се поврзуваат невенот, хризантемата и белиот крин -цветови кои се сметаат за носители на чистота, духовна заштита и здравје.
Невенот, со својата златна боја, се верува дека привлекува благосостојба и топлина во семејството; хризантемата е симбол на долговечност и мир, а белиот крин на божја милост и чистота на срцето, секако преку застапништвото на Света Петка.
Од друга страна во народната традиција постојат и строги забрани кои, според преданието, не треба да се прекршуваат на денот на Света Петка.
Не се препорачува тешка физичка работа – перење, чистење, метење, градинарски работи или преместување мебел.
Се смета дека тие активности „ја растеруваат“ среќата и го нарушуваат духовниот мир. Исто така, не се прават ниту рачни работи како шиење, плетење или месење.
На овој ден, велат старите, домот треба да биде исполнет со светлина, мир и благослов, а сè што носи немир, кавга или тежина, симболично или буквално, треба да се отстрани. Така, верниците веруваат дека ќе обезбедат година полна со здравје, љубов, семејна хармонија и заштита од светицата.
