Еден од најпопуларните колачи во Македонија, на почетокот на минатиот век биле Лондон-штанглите. Овој рецепт, забележан уште во далечната 1903 година, ја доловува традицијата и неодоливиот спој на крцкава кора, миризлив џем од кајсии и нежен прелив од белки, шеќер и мелени ореви.
Состојки:
5 јајца
12 лажици брашно
400 г шеќер
½ тегла џем од кајсии
300 г мелени ореви
Кора од лимон
200 г маргарин
Подготовка:
Изматете 4 жолчки и 1 цело јајце, додадете маргарин, 200 г шеќер, брашно и рендана кора од лимон. Сето тоа убаво измешајте го со дрвена лажица.
Подмачкајте тепсија и наросете брашно, па со лажица нанесете ја кората и лесно израмнете ја. Немојте да пробувате да ја расучите со сукало – тестото ќе се распаѓа.
Печете во загреана рерна на 200°C околу 10 минути, но кората не смее целосно да се испече. Извадете ја од рерната и оставете да се излади.
Во меѓувреме, на тивок оган загревајте 4 белки и 200 г шеќер, постојано мешајќи додека смесата не побели. Додадете ги мелените ореви, тргнете од шпоретот и добро промешајте.
Врз полупечената кора нанесете слој џем од кајсии, а потоа распоредете го филот од белки, шеќер и ореви. Вратете во рерна за да се допече.
Оставете целосно да се излади, исечете на штангли и послужете.
Овој старински десерт ќе ве врати во времето на нашите прабаби и ќе ве освои со својот совршен вкус.
