Древен 900-годишен ракопис пронајден во тајните архиви на Ватикан предвидува кога ќе дојде Судниот ден – моментот кога, според христијанското учење, Исус ќе се врати на Земјата за да пресуди кој ќе биде спасен, а кој осуден, пренесува Дејли меил.
Книгата, позната како „Пророштвото на папите“, му се припишува на свети Малахиј, ирски архиепископ од 12 век, и содржи низа загатливи латински фрази што наводно ги опишуваат сите папи – почнувајќи од Целестин II во 1143 година, па сè до сегашниот папа Франциск.
Текстот бил откриен во 1595 година од бенедиктинскиот монах Арнолд Вион, кој тврдел дека пророштвото било скриено во ватиканските архиви. Најконтроверзниот дел од книгата е последното пророштво:
„Во последното гонење на Светата Римска Црква ќе владее Петар Римјанин, кој ќе ја води својата паства среде многу неволји, по што градот на седумте рида ќе биде уништен, а страшниот Судија ќе му суди на светот. Крај.“
ДАЛИ ПАПАТА ФРАНЦИСК ЌЕ БИДЕ ПОСЛЕДНИОТ ПАПА?
Според некои толкувања, Петар Римјанин може да биде идниот папа што ќе го замени Франциск, додека други веруваат дека самиот Франциск е последниот папа.
Во документарец објавен во 2024 година, оваа теорија добива дополнителна тежина преку пророштво од 1585 година, во кое папата Сикст V вели: „Оската е среде знакот“.
Историските анализи покажуваат дека Сикст V стапил на папскиот престол 442 години по првиот папа во ова пророштво. Ако тоа е средишната точка на предвидувањето, тогаш крајот на светот би се случил 442 години подоцна – во 2027 година.
ПОВТОРНО АКТУЕЛНО ПОРАДИ БОЛЕСТА НА ПАПАТА
Иако книгата е позната повеќе од 400 години, нејзините мрачни предвидувања повторно стануваат тема на дебата поради влошената здравствена состојба на 88-годишниот папа Франциск, кој веќе две недели е во болница поради тешки респираторни проблеми.
Католици ширум светот се молат за неговото оздравување, но паралелно со тоа се зајакнуваат и шпекулациите – дали тој ќе биде последниот папа во историјата?
ДАЛИ Е ФАЛСИФИКАТ ИЛИ ВИСТИНСКО ПРОРОШТВО?
Некои историчари тврдат дека „Пророштвото на папите“ е фалсификат од 16 век, бидејќи описите на папите се многу детални до 1590 година, а потоа стануваат двосмислени.
Но, останува фактот дека дел од предвидувањата се исполнети со неверојатна точност. Еден од најпознатите примери е кога во 1958 година, пред изборот на папата Јован XXIII, кардиналот Спелман од Њујорк најмил брод, го наполнил со овци и пловел по реката Тибар – обидувајќи се да го претстави како „пастир и кормилар“, токму како што го опишувало пророчкото мото на новиот папа.
ШТО ЌЕ ДОНЕСЕ 2027?
Додека некои гледаат на ова како на случајност или мит, други веруваат дека пророчките текстови на свети Малахиј носат предупредување – а светот ќе дознае за нивната точност во наредните години.
Дали папата Франциск навистина е последниот? Дали Рим ќе биде уништен? Или сè е само уште една теорија на заговор? Одговорот можеби ќе го добиеме многу побрзо отколку што очекуваме…
Едно од пророштвата го именува 111-тиот папа како „Gloria Olivae“ или „Славата на Маслината“.
Редот на Свети Бенедикт е познат и како Оливетанци, што ги наведува некои историчари да веруваат дека свети Малахиј го предвидел папата Бенедикт XVI како водач на Католичката црква. Тој беше папа од 2005 до 2013 година.
Некои веруваат дека изразот на свети Малахиј „Lilium et Rosa“ („Кринови и рози“) се однесува на папата Урбан VIII (1623–1644), бидејќи неговото семејно знаме на грбот содржело кринови и рози.
Друг мистериозен стих гласи „De labore Solis“ („Од трудот на Сонцето“), што многумина го поврзуваат со папата Јован Павле II (Карол Војтила), кој е роден за време на сончево затемнување. Тој беше папа од 1978 до 2005 година.
Други предвидувања
Сер Исак Њутн во писмо од 1704 година предвидел кога ќе дојде крајот на светот.
Во пророштвата се споменува и „peregrinus apostolicus“ („апостолски патник“), што многумина веруваат дека се однесува на папата Павле VI (1963–1978), кој го поминал поголемиот дел од својот живот патувајќи низ различни земји.
Според последниот запис за Петар Римјанин, „последниот папа“ ќе владее со Црквата во време на големи превирања, кои ќе кулминираат со уништување на Рим и крај на папството.
Светот во хаос – нова потврда за пророштвото?
Книгата беше тема на поткастот Sunday Cool, каде водителот Џош Хупер истакна дека сè поголемиот број глобални кризи повторно ја разгоруваат вербата во ова контроверзно предвидување.
Воениот конфликт во Украина, зголемените тензии меѓу САД и Кина, како и постојаната нестабилност на Блискиот Исток, ги поттикнуваат стравувањата дека нова светска војна е на повидок.
Некои од најголемите светски сили, наводно, веќе почнале подготовка за повторно активирање на своите нуклеарни програми, што дополнително ги зголемува стравовите од „Судниот ден“.
Но, ова не е единствениот древен текст што го предвидува крајот на светот. Книгата на Откровението, напишана кон крајот на првиот век, според некои толкувачи, не ги опишува библиските настани од минатото, туку идниот крај на човештвото.
Всушност, некои веруваат дека стиховите од Откровението опишуваат нуклеарни експлозии, дронови, авиони, па дури и роботи, пишува Дејли меил.
