Шехерезад изгледа подобро од кога било на својот 43-ти роденден – трендовска торта и декорации лесни за да ги ископирате (Фото)
Инспирирајте се од прекрасните декорации.
Турската актерка Бергузар Корел, која публиката на Балканот најмногу ја памети по улогата на Шехерезада во серијата „1001 ноќ“, го прослави својот 43-ти роденден во друштво на сопругот актер Халит Ергенч и блиските пријатели.
Како и секоја година, прославата се одржа во нејзиниот омилен ресторан, а атмосферата беше во летен дух – со декорација во жолти тонови, лимони и мотиви со лимон што веднаш асоцираа на лето и Италија. Но и лесни се да ги ископирате и да ги внесете во вашиот амбиент за роденден на некој од најблиските (секако и за вашиот).
Бергузар изгледаше неодоливо во летно фустанче со цветен пастелен дезен, освојувајќи внимание со својот свеж изглед и природна харизма.
Кога дојде моментот да ги дувне свеќичките, актерката си замисли желба, а првиот што ја поздрави беше токму Халит Ергенч. Со јавен бакнеж пред сите гости, парот додаде доза романтика на вечерта.
AdvertisementView this post on Instagram
По емотивниот дел, роденденот се претвори во вистинска забава – танцување до доцна во ноќта, насмевки и позитивна енергија.
Најпосебниот миг сепак беше кога Бергузар го зеде микрофонот и му запеа неколку песни посветени на сопругот, гледајќи го право во очи. Публиката уживаше во емотивната изведба, а Халит гордо ја гледаше својата сакана.
