Шефот од „Брза кујна“ се повреди и ги шокираше фановите – наместо пред камери, сега е пред ТВ
Познатиот шеф во популарната кулинарска емисија „Брза кујна“, Боби Симоновски, моментално се наоѓа на домашно лекување поради повреда на ногата. Веста за неговата здравствена состојба ја сподели неговата колешка, телевизиската водителка Сања Савеска, преку кратка, но срдечна порака на нејзиниот Инстаграм профил.
-Со помин шеф Боби … те чекаме што поскоро да ни се вратиш!“, напиша Савеска на своето „стори, изразувајќи поддршка и желба за брзо оздравување на Симоновски.
Иако не се соопштени детали за природата на повредата, фановите на емисијата веќе испраќаат бројни пораки со поддршка и желби за закрепнување. Шеф Боби Симоновски е еден од омилените ликови во шоуто, препознатлив по својата стручност, харизма и несебичен однос кон натпреварувачите.
Редакцијата на „Брза кујна“ засега не се огласи официјално, но според информациите, Симоновски ќе остане на мирување сè додека лекарите не дадат зелено светло за негово враќање на екраните.
Му посакуваме на шеф Боби брзо и целосно закрепнување, со надеж дека наскоро повторно ќе го гледаме во неговата препознатлива улога – зад кулинарскиот пулт, со насмевка и ентузијазам што ги инспирира гледачите ширум земјата.
