Со своите женски оружја, шарм и привлечност, жените Близнаци добиваат се’ што сакаат

Дека на нив никогаш не им е доста од љубов, сведочи и податокот дека се венчаваат дури и во старечки домови, повеќе отколку припадниците на другите хороскопски знаци.

Жената Близнаци е навистина фантастична: забавна, друштвена, магична и провокативна. Не е вообразена, но и нема многу интерес за долго љубовни врски. Непредвидлива е и својата друштвеност и љубезна маска може брзо да ја замени со онаа дистанцираната и арогантна. Од потенцијалниот партнер бара ментална компатибилност за да биде заинтересирана, затоа што оваа дама не дозволува физичка блискост со некој кој не е способен да ја предизвика интелектуално.

Карактеристично за оваа жена е што изгледа најмладолико од сите жени во Зодијакот. Интелектуално е љубопитна, комуникативна е, духовита, грижлива. Жената Близнаци е прилично модерна личност. Не постои отворање на изложба, премиера на филм, значаен собир, кој би можела оваа жена да го пропушти. Близнаците имаат непрекината желба да научат нешто ново, а промените им се многу важни за нивниот живот и за нивниот психички развој.

Оваа жена е подготвена да ги употреби сите женски оружја, својот шарм и привлечност, за да го добие она што го сака! Со оваа жена партнерот не мора да размислува, зашто може да ѝ се препушти во нејзината доверба и да добива корисни совети. Жената Близнаци во другите го буди разиграното дете. Со неа не постои баналност, затоа што на се’ умее да даде смисла!