Семејството на Саша во солзи – големи имиња од естрадата и монаси на помен, срцепарателни сцени (Видео)
Шест месеци без Саша Поповиќ. Големи имиња од естрадата на поменот, но повторно без Лепа Брена.
Денес на робиштата во Белград беше одржан шестмесечниот помен за Саша Поповиќ, основачот и долгогодишен директор на продукцијата „Гранд“, кој почина на 1 март во Париз по долга и тешка болест.
Како и на четириесетдневниот помен, најголемо внимание привлече повторното отсуство на пејачката Лепа Брена и нејзиниот сопруг, Слободан Боба Живоиновиќ, иако со години важеа за многу блиски пријатели и кумови на Поповиќ.
Покана за поменот беше упатена уште минатата недела до сите кои сакаа да оддадат почит на прерано починатиот музички великан. Меѓу првите што пристигнаа беа пејачот Драган Којиќ Кеба со сопругата Оља, а потоа и вдовицата Сузана Јовановиќ со ќерката Александра и синот на Саша, Даниел со сопругата. На гробиштата се појави и кумот на Поповиќ, Дејан Ќирковиќ Ќира, заедно со бројни вработени и долгогодишни соработници од „Гранд“.
Атмосферата беше исполнета со многу емоции. Според српските медиуми, Сузана веднаш пришла и го бакнала споменикот, додека ќерката Александра со солзи во очите долго гледала во фотографијата на својот татко.
Со овој помен се одбележаа шест месеци од смртта на човекот кој остави неизбришлива трага во музичката индустрија на Балканот, обединувајќи генерации преку проектите и естрадните уметници кои ги создаде во „Гранд“ продукција.
