Селаните знаат – оваа македонска билка ја лечи главоболката поделотворно од апче!

Главоболките се модерна чума – може да ја „заработите“ од стрес, од работа со компјутер, од недостаток на сон- но наместо да голтаме сè поскапи апчиња, природата ни нуди тивок спас.

Станува збор за билката маточина, миризлива билка што ја има по селата, по пазарите, па и во дворовите низ Македонија. И што е најдобро – за „ситни“ пари.

Advertisement

Што е маточина и како делува?

Маточината (латински: Melissa officinalis) е билка од фамилијата на нане, позната по својот смирувачки и антиспазмодичен ефект, кој директно ја напаѓа главоболката од стрес, нервоза и напнатост.

Најмногу делува кај:

Тензична главоболка (при преголем умствен напор или анксиозност)

Мигрена во рана фаза

Главоболка поради менструален циклус или хормонален дисбаланс

Чајот од маточина ги опушта крвните садови и нервниот систем – на телото му праќа сигнал: „смири се“. Резултатот? Главоболката попушта за 20-30 минути.

Каде може да се најде?

Маточина расте диво и култивирано. Може да се најде на ливадите во Демир Хисар, Струмичко, Вевчани, Крушево, Дебарца и Пелагонија.

Секако, ја има и во дворови и градини каде што се одгледува како украсна и лековита билка. На зелените пазари – свежа може да се купи за 30 денари китка, сушена за 50-80 денари.

Исто така, може да се најде во аптеки и во продавници за здрава храна како чај, тинктура или етерично масло.

Како се користи?

Најчесто како чај – една лажичка суви листови на 200 мл зовриена вода – поклопено да отстои 10 минути, па се пие бавно.

Облоги: натопена газа во чај од маточина се става на чело или на слепоочниците.

Етерично масло: капка-две се нанесува на челото (секогаш разредено во бадемово или маслиново масло).

Дополнителни здравствени бенефити

Покрај што ја „убива“ главоболката, маточината:

Го смирува срцевиот ритам (корисна при тахикардија)

Помага кај несоница и анксиозност

Ја подобрува концентрацијата и расположението

Помага кај менструални болки и гастритис.