Седум бои што магично го зголемуваат просторот – вашиот мал стан ќе изгледа двојно поголем!

Мал стан не мора да значи и мал комфор! Со правилен избор на бои, светлина и мебел, дури и најмалото катче може да изгледа пространо, светло и модерно.

Бојата на ѕидовите игра огромна улога во визуелното „големување“ на просторот — иако квадратурата останува иста, со правилните нијанси може да создадете илузија на поголем, поотворен и поудобен дом.

Advertisement

Еве кои бои ги препорачуваат професионалните дизајнери за мали станови, а ви носиме и плус совети како најдобро да ги комбинирате за максимален ефект:

Чиста бела – класика што не знае за утка

Белата боја е неприкосновен избор ако сакате да го „отворите“ просторот. Таа ја рефлектира светлината, внесува свежина и создава чувство на чистина и безвременска елеганција.

Совет: Играјте со текстури — таванот офарбајте го во ултрмат бела, ѕидовите во блага мат нијанса, а лајсните и вратите со полусјаен финиш. Ова додава длабочина без да го наруши спокојот во просторот.

Крем и ванила нијанси – топлина со елеганција

Ако ви пречи строгата белина, изберете крем или ванила тонови. Тие го рефлектираат светлото, создаваат топлина и визуелно ги шират малите простории како ходници, мали кујни и купатила без природна светлина.

Совет: Не правете големи контрасти меѓу таванот и ѕидовите. Блага разлика во нијансите ќе направи просторот да изгледа уште поголем.

Светлосина – небо во вашиот дом

Светлосината асоцира на ведро небо и носи мир и релаксација. Идеална е за детски соби, домашни канцеларии или дневни соби со многу природна светлина.

Совет: Комбинирајте ја со бел мебел за скандинавски минималистички изглед.

Плавосива – елеганција и спокој

Ако сакате поелегантен и модерен изглед, плавосивата боја е совршен избор. Таа создава илузија на поголем простор, особено ако имате пониски тавани.

Совет: Користете ја во спални, дневни соби или работни простории за смирена, но луксузна атмосфера.

Светлосива – совршена неутралност

Светлосивата боја е апсолутен хит во модерниот дизајн на ентериер. Таа е неутрална, лесно се комбинира со различни материјали како дрво и метал, и благодарение на способноста да ја рефлектира светлината, визуелно го проширува просторот.

Совет: Со светлосива основа лесно ќе ги менувате деталите и акцентите без повторно бојадисување.

Светлозелена – природна свежина

Сакате боја, но без да изгледа нападно? Светлозелените нијанси се вистинскиот избор! Тие внесуваат чувство на природа и спокој во домот.

Совет: Светлозелените ѕидови се идеални за купатила, кујни или како акцентиран ѕид во дневна соба.

Како да го зголемите ефектот на боите?

Користете огледала наспроти прозорците за да ја рефлектираат светлината.

Изберете мебел кој е понизок по висина и ненаметлив по форма за да оставите визуелно повеќе „воздух“ во просторијата.

Инвестирајте во добро осветлување: комбинирајте плафонски светилки, стоечки ламби и скриено осветлување за уште посветол ефект.

Минимизирајте ја натрупаноста: помалку е повеќе во малите простори!