Се продава вила на кејот на Охридското Езеро со 8 апартмани – мераци за оној што ќе си ја купи!

Покрај самото Охридското Езеро, на кејот Македонија, се продава вила со осум апартмани и со преубав поглед.

Објектот е речиси како нов, изграден во 2011 година, а апартманите се комплетно опремени со модерен и внимателно избран мебел што нуди максимален комфор и пријатен амбиент.

Секој апартман зрачи со посебна топлина и функционалност, сите се комплетно опремени и идеални за одмор, така што без никакви вложувања идниот сопственик би можел веднаш да започне и со издавање, како преку летниот период, така и зиме, пишува во огласот што може да го погледнете тука.

Принтскрин/ Гугл мап

Имено, објектот е опремен со парно греење кое може да се регулира поединечно, а при градењето запазени се сите норми на ефикасна изолација. Во огласот е потенцирано дека има и внатрешна и надворешна изолација со што значително се заштедува како при ладење, така и при загревање во зимскиот период,  .

И како што може да се види и од огласот, вилата се наоѓа на самиот кеј, со поглед од милион долари кон езерото.

Принтскрин/ Гугл мап

Целиот објектот има 360 метри квадратни плус двор од 130 метри квадратни, а за цената може да се договорите со сопственикот.

Целиот оглас погледнете го тука…