Се повлече од јавност, а ја нема ни препознатливата црвена коса – како денес изгледа Маја Оџаклиевска

Пејачката легенда, Македонката Маја Оџаклиевска, се повлече од сцената и целосно се посвети на грижата за својот внук, па во јавноста ретко може да се види.

Сепак, неодамна се појави на една приватна прослава, каде повторно покажа зошто остана една од најомилените пејачки.

Иако многумина забележаа дека Маја повеќе ја нема препознатливата огнена црвена долга коса, која со децении беше нејзин заштитен знак, но нејзиниот глас и понатаму звучи неверојатно.

Публиката остана воодушевена кога изведе еден од своите хитови, а по изведбата, гостите на прославата ја поздравија со громогласен аплауз.

Коментари се нижат на објавата на тик-ток, а корисниците истакнуваат дека Маја пее исто како пред дваесет години, со иста емоција и ист интензитет.

Убавата Маја денес гордо ја носи својата седа коса, која за оваа прилика ја собра во елегантна пунџа.

Потсетуваме, во април оваа година, Маја отворено зборуваше за аутизмот на нејзиниот внук Лука и на енергичноста која се бара од неа, а која се повеќе ѝ недостига.

„Многумина ме прашуваат како се чувствувам со оглед на тоа дека размислувам да го дадам Лука во дом. Тој е мојот внук со аутизам, тоа сите го знаат, и навистина размислувам за таа можност. Зошто? Јас не можам сама да одлучам, тука е Центарот за социјална работа кој ќе донесе одлука. Но суштината е дека сè помалку можам да ја прифатам неговата енергија. Понекогаш останувам без здив. Толку многу се вознемирувам кога тој е вознемирен, што не можам да дишам. Не смеам да си го дозволам тоа. Секој ден кога тој има напад, јас сум еден чекор поблиску до земјата“, искрено изјави Маја во емисијата „Живот во баланс – разговори со душата“.

Таа зборуваше колку е важно навреме да се препознае аутизмот кај детето, и дека таа била прва која го препознала кај Лука.

„Одеднаш почна да се крие, понекогаш имаше напади на фрлање, но не изгледаше како гневно дете. Лицето му стануваше сино, и знаев дека нешто не е во ред и дека мора да го однесеме на лекар“, раскажа таа.

Без знаење на другите, еден ден го однела Лука во Центарот за деца со пречки во развојот, каде веднаш се посомневале во аутизам. Сепак, според законот, детето не може да добие официјална дијагноза пред да наполни пет години.

„И тогаш настанува статус кво. Треба да чекате две и пол години за да наполни пет, за да може нешто да се преземе“, додава Маја.

Маја се повлече од јавниот живот и се пресели во мала куќа во природа, посветувајќи му ја целата своја љубов на внукот.