Пејачката Николина Милосављевиќ, која го привлече вниманието на јавноста со своето учество во музичкото натпреварување „Ѕвездите на Гранд“, стапи во брак со својот долгогодишен партнер.
На својот инстаграм-профил, згодната Николина објави серија фотографии од свадбата, на кои се гледа дека носи раскошна венчаница украсена со бисери, а на главата има круна од циркони.
Нејзиниот сопруг, пак, одбрал за свадбата бел костум, а под фотографиите пејачката напиша едноставно: „Mr. & Mrs.“
Пред свадбата, нејзините најблиски пријателки ѝ организираа, на изненадување, вечер само за девојки.
„Јас во улога на идна невеста и моите прекрасни девојки! Ви благодарам за најубавиот ден, ден за паметење. Ве сакам многу сите!“, напиша Николина покрај фотографиите од прославата.
Интересно е што многумина забележуваат дека Николина неверојатно наликува на пејачката Маја Беровиќ, не само по изглед, туку и по стилот на пеење. Таа во едно интервју веќе откри дека не ѝ пречи оваа споредба:
„Многумина ме споредуваа со неа во текот на натпреварувањето, и по гласот и по изгледот. Мене тоа воопшто не ми пречи, напротив, драго ми е. Таа е навистина преубава жена“, рече Николина.
