Санторини погоден од „најсилниот земјотрес досега“ – „земјотресната бура“ продолжува да го погодува грчкиот остров по прогласената вонредна состојба
Земјотресот се случил во 22.16 часот и бил со епицентар на 14 километри југозападно од Аркесини, во морето меѓу Санторини и Аморгос, пишува грчкиот весник „Катимерини“.
Како што известуваат во моментов странските медиуми, Санторини вечерва е погоден од земјотрес од 5,3 степени, што според локалните медиуми е најсилниот од стотиците потреси што го погодија грчкиот остров.
Земјотресот се случил во 22.16 часот и бил со епицентар на 14 километри југозападно од Аркесини, во морето меѓу Санторини и Аморгос, пишува грчкиот весник „Катимерини“.
Василис Карастатис, директор на Геодинамичкиот институт за весникот „Катимерини“ изјави дека овој земјотрес бил со јачина од 5,3 степени според Рихтеровата скала.
Но, тој предупреди дека овој земјотрес „не се разликува од претходните силни земјотреси од 5, 5,1 или 5,2 степени според Рихтеровата скала“.
Минатата недела беше прогласена вонредна состојба откако грчкиот остров доживеа илјадници земјотреси кои се зголемуваа по јачина и зачестеност.
Само во саботата се почувствувани 11 земјотреси со јачина од најмалку четири степени.
Од 1 февруари досега се забележани повеќе од 800 потреси со јачина од три и повеќе степени.
