Сопствениците на хотелите во Грција се подготвуваат да ги дочекат туристите, преземајќи ги сите заштитни мерки за заштита од коронавирусот.
Посебни заштитници од плексистакло, пешкири за еднократна употреба и антисептици се само некои од мерките кои ги преземале сопствениците на големите луксузни хотели. На идејата за лежалки со заштита, прв дошол хотелиерот и сопственик на луксузниот хотел „Suites of Gods“. Тој на плажата Perissa поставил лежалки со заштита од плексистакло, што се смета за идеална заштита, посебно за семејство со деца.
Со оваа конструкција гостите на хотелот повеќе не ќе мора да се грижат поради можното пренесување на корона. „Личностите во хотелот ќе бидат опремени со маски и ракавици. Видовме слични инсталации во светот, па дојдовме на идејата тоа да го направиме и на Санторини, со цел нашите клиенти да се чувствуваат посигурно“, вели сопственикот на наведениот хотел на Санторини.
Растојанието помеѓу лежалките ќе биде четири метра, а плексистакло ќе биде поставено и од левата и од десната страна.
