Русија влегува во трка со најпознатиот светски пребарувач Google.
Престижниот руски институт од Уноверзитетот за нуклеарни истражувања во петокот објави дека е развиен оперативен систем за мобилни уреди кој веќе е сертифициран на ниво на Руската Федерација. Станува збор за оперативен систем за таблет-компјутерите и „паметните“ телефони, кој треба да му биде конкуренција на Андроид-от, кој потекнува од лабараторијата на Google.
{simplepopup}
{/simplepopup}
Станува збор за оперативниот систем РОМОС, кој ги има сите можности како и Андроид, само што личните податоци на оние што ќе го користат нема да ги праќа во штабот на Google.
Прототипот на ваквиот таблет-компјутер опремен со оперативниот систем РОМОС му беше демонстриран на потпретседателот на Владата на Руската федерација, Димитрие Рогозин на саемот во Берлин. Но, според претседателот на Институтот за стратешки проценки, Александар Коновал, едно е да се направи прототип, а нешто сосема друго е масовното производство, нешто за што Русија се уште ја нема потребната електронска индустрија.
