Погледнете како Роси го носи најпопуларниот моден додаток за оваа сезона

Роси Хантингтон Вајтли во фантастично преодно издание

Познатата манекенка ја видовме во неверојатно шик деловно издание зачинето со детаљ кој ќе биде хит оваа сезона. Имено во прашање е сив комплет составен од „оверсајз“ сако со дворедно закопчувања, како и широки панталони- ѕвонарки со потписот на модната креаторка Џорџија Алис, додека целата комбинација ја зачини со детаљ позајмен од 90-тите. Станува збор за мала кожена чанта од Гучи за околу половина која во меѓувреме стана еден од најпознатите модни додатоци за оваа сезона. Триесетгодишната трендсетерка целото издание го заокружи со шик проѕирни високи потпетици од Маноло Бланик и очила за сонце од Викторија Бекам.

Па, што велите за ова издание на Роси?