Росана се стопи од љубов – Пејачката сподели преслатка фотографија од своите внуци (Фото)

Пејачката Росана Сариќ-Тодоровска повторно го привлече вниманието на своите следбеници откако на Фејсбук објави нова фотографија од своите внуци, преслатките Ноа и Матео.

Дечињата живеат во Англија со нејзината ќерка Ивана и зетот Џејмс.

Иако оддалеченоста ѝ паѓа тешко, Росана никогаш не ја крие длабоката љубов кон внучињата.

„Живееме за нив. За жал, повеќе не живеат во Македонија, се преселија во Англија и сега веќе се гледаме на камера. Во моментов ни дојдоа на гости, па можеби за Нова година или Божиќ пак ќе ни дојдат.

Па, и ние ќе отидеме таму. Само знам дека е тешко, особено мене, бидејќи некако цел живот само дочекувам и испраќам на аеродром. Тоа навистина е многу тажно, тешко ми е на душата, но не сакам да зборувам бидејќи солзите сами ми течат“, изјави таа претходно за „Канал 77“.

Новата фотографија веднаш предизвика бура од емоции на социјалните мрежи, а бројни обожаватели ѝ испратија пораки со поддршка и разбирање.